Hoërskool Dr Malan

Classic Clash 2010

Dokkies vs Rainbows

Die dag se gebeure het vroegdag met ‘n treinfluit afgeskop.  Opgewondenheid en afwagting was onder ’n groot groep Dokkies en onderwysers te bespeur op Meyertonstasie.  Wat ’n ondervinding – vir baie ’n eerste keer! Netjiese waens met ons eie” lyfwagte” en ’n eie “moeder”  van die trein het  ons gou welkom laat voel.  Gewapen met ‘n kospakkie is die rit aangepak.  Die ervaring wat die rit meegebring het , was uitgespel oor elke leerder se gesig.

Later die dag het die ander fluitjies die verloop van die rugby-, hokkie- en netbalwedstryde bepaal.  Alhoewel nie al die spanne geseëvier het nie, is die Dokkies weereens hierdie jaar die kampioene.  Al drie ons eerste spanne het die dag as kampioene van die veld gestap.

• Die 1ste dogters hokkiespan wen oortuigend 8 – 0
• Na ‘n titaniese stryd wen die 1ste netbalspan 23 – 18
• Die eerste rugbyspan  span die kroon met ‘n pragvertoning en wen 24 – 11

Hierdie was voorwaar ‘n baie geslaagde Classic Clash!!!

Dankie vir almal se ondersteuning. Julle het ons gehelp om die dag 'n sukses te maak!!!

Daar word alreeds uitgesien na die kragmeting van volgende jaar wat weer in ware Dokkiestyl-en-gees aangebied sal word.

Dokkie-groete